GA - Mise agus an Eoraip

Duais Daphne Caruana Galizia don Iriseoireacht 2024

Thu, 24 Oct 2024 19:00:00 +0200

Tá Duais Daphne Caruana Galizia don Iriseoireacht 2024 buaite ag ‘Lost in Europe’, tionscadal iriseoireachta neamhbhrabúis trasteorann. Léirigh an t-imscrúdú gur imigh níos mó ná 51 000 leanbh imirceach neamhthionlactha ar iarraidh tar éis dóibh an Eoraip a bhaint amach idir 2021 agus 2023. Déanann an gradam prionsabail agus luachanna an Aontais atá cumhdaithe i gCairt um Chearta Bunúsacha an Aontais Eorpaigh a chur chun cinn. Ainmníodh an gradam do Daphne Caruana Galizia, iriseoir agus blagálaí as Málta a bhíodh ag gníomhú i gcoinne na caimiléireachta agus a feallmharaíodh in 2017.

Duais Sakharov um Shaoirse Smaointeoireachta 2024

Thu, 24 Oct 2024 14:00:00 +0200

Is iad María Corina Machado agus Edmundo González Urrutia buaiteoirí Dhuais Sakharov um Shaoirse Smaointeoireachta 2024 atá á bronnadh ag Parlaimint na hEorpa.

Cuireadh Duais Sakharov um Shaoirse Smaointeoireachta ar bun in 1988 chun ómós a léiriú do dhaoine aonair agus d’eagraíochtaí a chosnaíonn cearta an duine agus saoirsí bunúsacha.

Eorabharaiméadair - Suirbhé iarthoghcháin AE 2024

Fri, 18 Oct 2024 13:00:00 +0200

Ba iad an t-ardú ar phraghsanna, an costas maireachtála agus an staid eacnamaíoch na príomhábhair a spreag níos mó ná 4 as 10 saoránach san Aontas chun vótáil sna toghcháin Eorpacha deiridh. Dúirt an tríú cuid de na vótálaithe gur ábhar í an staid idirnáisiúnta a spreag iad chun vótáil, agus, luaigh céatadán comhchosúil cosaint don daonlathas agus an smacht reachta mar spreagadh. Sid iad príomhthorthaí Shuirbhé iarthoghcháin an Aontais Eorpaigh 2024.

LUX - Gradam Scannánaíochta Lucht Féachana na hEorpa 2025

Fri, 20 Sep 2024 13:30:00 +0200

Is iad seo na cúig scannán a bheidh san iomaíocht do Ghradam Lucht Féachana LUX 2025: Animal, Dahomey, Flow, Intercepted agus Julie Keeps Quiet.

Is ann do Ghradam Lucht Féachana LUX chun aird a tharraingt ar scannáin a dhéileálann le téamaí sóisialta agus polaitiúla. Tá sé mar aidhm leis díospóireacht agus machnamh a spreagadh, chomh maith le scannáin a úsáid chun féiniúlacht Eorpach níos láidre a cothú.

Míniú ar na toghcháin Eorpacha: conas teacht ar fhoinsí iontaofa

Mon, 03 Jun 2024 15:00:00 +0200

Tá sé in am vóta a chaitheamh! Idir an 6 agus an 9 Meitheamh i mbliana, beidh lámh ag na milliúin saoránach Eorpach i múnlú thodhchaí an Aontais Eorpaigh trí vóta a chaitheamh sna toghcháin Eorpacha. Is í Parlaimint na hEorpa an t-aon chomhlacht de chuid an Aontais a thoghtar go díreach agus tá na toghcháin Eorpacha ar cheann de na himeachtaí daonlathacha is mó ar domhan. Éist leis an eagrán seo agus sinn ag roinnt leideanna faoi conas teacht ar fhoinsí iontaofa leis na toghcháin ag druidim linn.

Eorabharaiméadar Earrach 2024

Wed, 08 May 2024 12:00:00 +0200

Léirigh torthaí Eorabharaiméadar Earrach 2024 go dtacaíonn na saoránaigh go mór leis an daonlathas agus gur eol dóibh go maith go bhfuil na toghcháin Eorpacha ar na bacáin.

Caithfear vótaí idir an 6 agus an 9 Meitheamh 2024 i ngach tír san Aontas chun Feisirí nua Pharlaimint na hEorpa a roghnú.

Míniú ar na toghcháin Eorpacha: conas a roinntear na suíocháin?

Thu, 25 Apr 2024 17:30:00 +0200

Tá sé in am vóta a chaitheamh! Idir an 6 agus an 9 Meitheamh i mbliana, beidh lámh ag na milliúin saoránach Eorpach i múnlú thodhchaí an Aontais Eorpaigh trí vóta a chaitheamh sna toghcháin Eorpacha. Is í Parlaimint na hEorpa an t-aon chomhlacht de chuid an Aontais a thoghtar go díreach agus tá na toghcháin Eorpacha ar cheann de na himeachtaí daonlathacha is mó ar domhan. Bí linn san eagrán seo agus sinn ag caitheamh súil níos géire ar an tslí a roinntear na suíocháin i measc na mBallstát san Aontas.

Gradam Scannánaíochta Lucht Féachana na hEorpa 2024

Wed, 17 Apr 2024 12:00:00 +0200

Tá Gradam Scannánaíochta Lucht Féachana na hEorpa LUX 2024 buaite ag an scannán ‘The Teachers’ Lounge’

Míniú ar na toghcháin Eorpacha: conas a fheidhmíonn an córas vótála?

Tue, 09 Apr 2024 15:00:00 +0200

Tá sé in am vóta a chaitheamh! Idir an 6 agus an 9 Meitheamh i mbliana, beidh lámh ag na milliúin saoránach Eorpach i múnlú thodhchaí an Aontais Eorpaigh trí vóta a chaitheamh sna toghcháin Eorpacha. Is í Parlaimint na hEorpa an t-aon chomhlacht de chuid an Aontais a thoghtar go díreach agus tá na toghcháin Eorpacha ar cheann de na himeachtaí daonlathacha is mó ar domhan. Bígí linn san eagrán seo agus sinn ag caitheamh súil níos géire ar an tslí a bhfeidhmíonn an córas vótála. Ná caill an deis seo chun eolas a chur ar an tslí a mbíonn tábhacht le do vóta!

Alexei Navalny, buaiteoir Dhuais Sakharov 2021

Tue, 19 Mar 2024 17:00:00 +0100

Fuair Alexei Navalny, an duine is neamhbhailbhe de lucht freasúra na Rúis, a raibh cáil air as éilliú a nochtadh agus as an Uachtarán Vladimir Putin a cháineadh, bás i gcúinsí mistéireacha an 16 Feabhra 2024 i gcoilíneacht phionóis iargúlta san Artach. In 2021, bronnadh Duais Sakharov um Shaoirse Smaointeoireachta air. Is duais í sin a bhronnann Parlaimint na hEorpa.

Tá an podchraoladh seo ar fáil i 24 theanga oifigiúla an Aontais Eorpaigh agus i Rúisis.

An Lá Domhanda do Chearta Tomhaltóirí

Thu, 14 Mar 2024 18:00:00 +0100

Déantar Lá Domhanda do Cheart Tomhaltóirí a cheiliúradh chun feasacht a mhúscailt faoi chearta agus cosaintí tomhaltóirí ar fud an domhain. Tá ról ríthábhachtach ag Parlaimint na hEorpa ó thaobh cearta tomhaltóirí a chosaint ar fud an Aontais Eorpaigh. Ós rud é go bhfuil níos mó ná 450 milliún tomhaltóir san Aontas, tá sé ríthábhachtach cóir chomhionann, trédhearcacht agus sábháilteacht sa mhargadh a chinntiú. Féachaimis ar an tslí a gcosnaítear do chearta mar thomhaltóir san Aontas.

Lá Domhanda an Raidió

Tue, 13 Feb 2024 07:00:00 +0100

Tá sé i ngach áit: sa charr, sa teach agus ar an bhfón póca. Céard faoi atá muid ag caint? An raidió, ar ndóigh! Ós rud é go mbeidh Lá Domhanda an Raidió á cheiliúradh againn ar an tríú lá déag de mhí Feabhra, caithimis súil siar ar scéal an mheáin cumarsáide seo.

Duais Daphne Caruana Galizia don Iriseoireacht 2023

Fri, 22 Dec 2023 12:00:00 +0100

Bhuaigh cuibhreannas Gréagach, Gearmánach agus Briotanach Duais Iriseoireachta Daphne Caruana Galizia 2023. Rinne an t-imscrúdú grinnscrúdú ar na himeachtaí a bhain le longbhriseadh Adriana, inar bhásaigh breis agus 600 imirceach amach ó chósta Pylos in iardheisceart na Gréige an 14 Meitheamh 2023.

Cuidíonn an duais le prionsabail agus luachanna AE a chur chun cinn, mar atá cumhdaithe i gCairt um Chearta Bunúsacha an Aontais Eorpaigh. Tá sé ainmnithe in ómós do Daphne Caruana Galizia, iriseoir Máltach, blagálaí agus gníomhaí frithéillithe a dúnmharaíodh in 2017.

Duais Sakharov 2023

Wed, 20 Dec 2023 12:00:00 +0100

Tá Duais Sakharov um Shaoirse Smaointeoireachta 2023 buaite ag Mahsa Amini agus gluaiseacht ‘Bean, Saol, Saoirse’ san Iaráin. Bunaíodh an duais i 1988 chun ómós a thabhairt do dhaoine aonair agus eagraíochtaí a chosnaíonn cearta an duine agus saoirsí bunúsacha. Tá sé ainmnithe in ómós d’fhisiceoir Sóivéadach agus easaontach polaitiúil Andrei Sakharov, a thiomnaigh a shaol do chosaint chearta an duine.

Duais Eorpach Charlemagne don Óige 2023

Mon, 18 Dec 2023 12:00:00 +0100

Bunaíodh Duais Eorpach Charlemagne don Óige in 2008. Is í Parlaimint na hEorpa, i gcomhpháirt leis an bhFondúireacht um Dhuais Idirnáisiúnta Charlemagne in Aachen, atá i gceannas ar an duais. I mbliana, bronnadh an chéad duais ar an aip ‘AILEM’ as an mBeilg. Is í seo an chéad aip teanga riamh atá dírithe ar dhídeanaithe agus iarrthóirí tearmainn.