MT - L-Ewropa u jien

Il-Premju Daphne Caruana Galizia għall-Ġurnaliżmu 2024

Thu, 24 Oct 2024 17:45:00 +0200

Il-Premju Daphne Caruana Galizia għall-Ġurnaliżmu 2024 imur għal Lost in Europe, proġett ta’ ġurnaliżmu transfruntier mingħajr skop ta’ qligħ. L-investigazzjoni rebbieħa żvelat li aktar minn 51,000 migrant minorenni mhux akkumpanjat għebu wara li waslu fl-Ewropa bejn l-2021 u l-2023. Il-Premju jikkontribwixxi għall-promozzjoni tal-prinċipji u l-valuri tal-Unjoni Ewropea, kif imnaqqxa fil-Karta tad-Drittijiet Fundamentali tal-Unjoni Ewropea. Huwa msemmi f’ġieħ Daphne Caruana Galizia, il-ġurnalista, bloger u attivista Maltija kontra l-korruzzjoni li nqatlet fl-2017.

Il-Premju Sakharov għal-Libertà tal-Ħsieb 2024

Thu, 24 Oct 2024 14:25:05 +0200

María Corina Machado u Edmundo González Urrutia huma r-rebbieħa tal-edizzjoni 2024 tal-Premju Sakharov għal-Libertà tal-Ħsieb tal-Parlament Ewropew.

L-Ewrobarometru - L-istħarriġ tal-Unjoni Ewropea ta’ wara l-elezzjoni 2024

Fri, 18 Oct 2024 13:00:00 +0200

Iż-żieda fil-prezzijiet, l-għoli tal-ħajja u s-sitwazzjoni ekonomika kienu t-temi ewlenin li mmotivaw lil aktar minn 40% taċ-ċittadini tal-Unjoni Ewropea biex jivvutaw fl-aħħar elezzjonijiet Ewropej. Terz tal-votanti qalu li s-sitwazzjoni internazzjonali kienet suġġett li ħeġġiġhom jivvutaw, filwaqt li proporzjon simili semma d-difiża tad-demokrazija u l-istat tad-dritt bħala fattur motivanti. Dawn huma wħud mis-sejbiet ewlenin tal-Istħarriġ tal-UE ta’ wara l-elezzjoni 2024.

LUX - Il-Premju Ċinematografiku Ewropew tal-Udjenza 2025

Fri, 20 Sep 2024 13:30:00 +0200

Il-ħames films finalisti għall-Premju LUX tal-Udjenza 2025 huma: Animal, Dahomey, Flow, Intercepted u Julie Keeps Quiet.

Il-Premju LUX jixħet dawl fuq films li jittrattaw temi soċjali u politiċi. L-għan tiegħu huwa li jinkoraġġixxi d-dibattitu u r-riflessjoni, filwaqt li juża l-films biex jgħin fil-bini ta’ identità Ewropea aktar b’saħħitha.

Nispjegaw l-elezzjonijiet Ewropej: kif tista’ ssib sorsi affidabbli

Mon, 03 Jun 2024 15:00:00 +0200

Wasal iż-żmien li nivvutaw! Bejn is-6 u d-9 ta’ Ġunju ta’ din is-sena, miljuni ta’ ċittadini tal-Unjoni Ewropea se jgħinu fit-tiswir tal-futur tal-Unjoni Ewropea billi jivvutaw fl-elezzjonijiet Ewropej. Il-Parlament Ewropew huwa l-uniku korp tal-Unjoni Ewropea elett direttament u l-elezzjonijiet Ewropej huma wieħed mill-akbar avvenimenti demokratiċi fid-dinja. Ingħaqad magħna f’dan l-episodju biex naqsmu miegħek xi suġġerimenti dwar kif tista’ ssib sorsi affidabbli fil-mixja għall-elezzjonijiet.

L-Ewrobarometru tal-Parlament għar-rebbiegħa 2024

Wed, 08 May 2024 12:00:00 +0200

L-Ewrobarometru għar-rebbiegħa 2024 wera li ċ-ċittadini jappoġġjaw bil-qawwi d-demokrazija u huma konxji ħafna tal-elezzjonijiet Ewropej li ġejjin.

Il-votazzjoni biex jingħażlu l-Membri l-ġodda tal-Parlament Ewropew se ssir bejn is-6 u d-9 ta’ Ġunju 2024 fil-pajjiżi kollha tal-Unjoni Ewropea.

Nispjegaw l-elezzjonijiet Ewropej: kif jitqassmu s-siġġijiet?

Thu, 25 Apr 2024 17:45:00 +0200

Wasal iż-żmien li nivvutaw! Bejn is-6 u d-9 ta’ Ġunju ta’ din is-sena, miljuni ta’ ċittadini tal-UE se jgħinu fit-tiswir tal-futur tal-Unjoni Ewropea billi jivvutaw fl-elezzjonijiet Ewropej. Il-Parlament Ewropew huwa l-uniku korp tal-UE elett direttament u l-elezzjonijiet Ewropej huma wieħed mill-akbar avvenimenti demokratiċi fid-dinja. Ingħaqad magħna f’dan l-episodju hekk kif nagħtu ħarsa aktar mill-qrib lejn kif jitqassmu s-siġġijiet fost il-pajjiiżi tal-UE.

LUX – Il-Premju Ċinematografiku Ewropew tal-Udjenza 2024

Wed, 17 Apr 2024 12:00:00 +0200

Ir-rebbieħ tal-LUX – Il-Premju Ċinematografiku Ewropew tal-Udjenza 2024 huwa “The Teachers’ Lounge”

Il-Premju LUX huwa strument li jitfa’ dawl u jġegħlna nirriflettu fuq films li jindirizzaw temi soċjali u politiċi. L-għan tiegħu hu li jinkoraġġixxi d-dibattitu u r-riflessjoni, filwaqt li juża l-films bħala għodda biex tgħinna nsaħħu l-identità Ewropea tagħna.

Nispjegaw l-elezzjonijiet Ewropej: kif taħdem is-sistema tal-votazzjoni?

Tue, 09 Apr 2024 15:00:00 +0200

Alexei Navalny, ir-rebbieħ tal-Premju Sakharov 2021

Tue, 19 Mar 2024 17:31:34 +0100

Navalny, l-aktar leħen prominenti tal-oppożizzjoni Russa, huwa magħruf li espona l-korruzzjoni u bħala kritiku qawwi tal-President Vladimir Putin. Miet f’ċirkostanzi misterjużi fis-16 ta’ Frar 2024, f’kolonja penali remota fl-Artiku. Fl-2021, ingħata l-Premju Sakharov għal-Libertà tal-Ħsieb tal-Parlament Ewropew.

Il-Jum Dinji tad-Drittijiet tal-Konsumatur

Thu, 14 Mar 2024 18:00:00 +0100

Kull sena, fil-15 ta’ Marzu, niċċelebraw il-Jum Dinji tad-Drittijiet tal-Konsumatur biex inqajmu kuxjenza dwar id-drittijiet u l-protezzjonijiet tal-konsumatur madwar id-dinja. Il-Parlament Ewropew għandu rwol kruċjali fis-salvagwardja tad-drittijiet tal-konsumatur madwar l-Unjoni Ewropea. B’aktar minn 450 miljun konsumatur fl-UE, huwa essenzjali li niżguraw trattament ġust, trasparenza u sikurezza fis-suq. Ejjew insiru nafu kif id-drittijiet tiegħek bħala konsumatur huma protetti fl-UE.

Il-jum dinji tar-radju

Tue, 13 Feb 2024 07:00:00 +0100

Kullimkien issibuh: fil-karozza, ġewwa darkom, fuq il-mobile. Fuq xiex qed nitkellmu? Fuq ir-radju, ovvjament! U fit-13 ta' Frar niċċelebraw il-jum dinji tiegħu. Ejjew nagħtu ħarsa lejn dan il-mezz ta' xandir tant kostanti f'ħajjitna li saħansitra salva lit-Torri Eiffel.

Il-Premju Daphne Caruana Galizia għall-Ġurnaliżmu 2023

Fri, 22 Dec 2023 12:00:00 +0100

Konsorzju Grieg, Ġermaniż u Brittaniku rebaħ il-Premju Daphne Caruana Galizia għall-Ġurnaliżmu 2023. L-investigazzjoni tat ħarsa mill-qrib lejn l-avvenimenti li seħħew qabel, matul u wara n-nawfraġju tal-bastiment Adriana. Dan in-nawfraġju ħalla ’l fuq minn 600 migrant mejjet ’il barra mill-kosta ta’ Pylos, fil-Lbiċ tal-Greċja fl-14 ta’ Ġunju 2023.

Il-Premju jikkontribwixxi għall-promozzjoni tal-prinċipji u l-valuri tal-Unjoni Ewropea, kif imnaqqxa fil-Karta tad-Drittijiet Fundamentali tal-Unjoni Ewropea. Huwa msemmi bħala ġieħ lil Daphne Caruana Galizia, il-ġurnalista, bloger u attivista Maltija kontra l-korruzzjoni li nqatlet fl-2017.

Il-Premju Sakharov 2023

Wed, 20 Dec 2023 12:00:00 +0100

Mahsa Amini u l-Moviment “Mara, Ħajja, Libertà” fl-Iran rebħu l-Premju Sakharov għal-Libertà tal-Ħsieb 2023. Il-Premju twaqqaf fl-1988 biex jonora individwi u organizzazzjonijiet li jiddefendu d-drittijiet tal-bniedem u l-libertajiet fundamentali. Huwa msemmi f’ġieħ il-fiżiċista u d-dissident politiku Sovjetiku Andrei Sakharov, li ddedika ħajtu għad-difiża tad-drittijiet tal-bniedem.

Il-Premju Karlu Manju għaż-Żgħażagħ Ewropej 2023

Mon, 18 Dec 2023 12:00:00 +0100

Stabbilit fl-2008, il-Premju Karlu Manju għaż-Żgħażagħ Ewropej huwa organizzat mill-Parlament Ewropew flimkien mal-Fondazzjoni tal-Premju Internazzjonali Karlu Manju ta’ Aachen. Din is-sena, l-ewwel post intrebaħ minn “AILEM” mill-Belġju, l-ewwel applikazzjoni tal-lingwa mfassla apposta għar-refuġjati u l-persuni li qed ifittxu ażil.